АСТАНА, 20 - ақпан. - Eurasia Todaу. Тәжікстан мен Қырғызстанда қар көшкіндері жүрді, деп хабарлады ҚазАқпарат тәжікстандық Ховар және қырғыстандық Кабар ақпарат агенттіктеріне сілтеме жасап.

19 ақпанда Тәжікстанның таулы аймақтарында бірнеше қар көшкіні жүріп, көлік қозғалысы жабылды. 15-19 ақпан күндері Тәжікстанда 200 қар көшкіні, 7 саз көшкіні және 6 тасқұлама жүрді. Қар көшкіні салдарынан 19 тәжікстандық қаза тапты.

Бұған дейін хабарлағанымыздай 16 ақпанда Тәжікстанда тұрғын үйлерді қар көшкіні басып, 15 адам қаза тапты.

Ал Қырғызстанның Жалал-Абад облысындағы Тогуз-Тороу ауданында қар көшкіні астында қалған 45 жастағы ер адамның денесі табылды.

Агенттіктің мәліметінше Қырғызстандағы Атай ауылының 1978 жылғы тұрғыны жылқы бағу үшін Ала-Жыга учаскесіндегі тауға шыққан. Қар көшкіні түсіп, тұрғын оның астында қалып қойған.