АСТАНА, 09 - ақпан. - Eurasia Todaу. Түркіменстан Президенті Сердар Бердімұхамедов Түркіменстан халқы, Үкіметі және өз атынан Иран Президенті Сейед Ибраһим Раисиге және бүкіл Иран халқына Иран Ислам Республикасының ұлттық мерекесі – Революция күніне орай шын жүректен құттықтау хатын жолдады.

Сердар Бердімұхамедов екі ел қатынастарының одан әрі дамитынына нық сенім білдірді.
Түркіменстан Президенті Сейед Ибраһим Раисиге зор денсаулық, бақыт пен амандық, ал Иран Ислам Республикасының бүкіл бауырлас халқына бейбітшілік, одан әрі ілгерілеу мен өркендеу тілектерін білдірді.
Еске сала кетсек, Ислам Революциясы жеңісінің мерейтойына арналған салтанатты шаралар 10 күн ішінде , яғни 1-11 ақпан аралығында өтеді. 1979 жылы Иранда шах режимі құлап, Иран Ислам Республикасы жарияланды.