АСТАНА, 25 - қаңтар. - Eurasia Todaу. 24 қаңтарда Өзбекстан Республикасының Президенті Шавкат Мирзиеев ЭЫҰ Сыртқы істер министрлері кеңесінің отырысы бағдарламасы аясында Ташкентке келген Иран Ислам Республикасының Сыртқы істер министрі Хусейн Амир Абдоллахиан бастаған делегацияны қабылдады.

Кездесу басында Иран Президентінің өткен жылдың қыркүйек айында Өзбекстанға ресми сапары барысында қол жеткізілген уағдаластықтардың екі мемлекет арасындағы көпқырлы ынтымақтастықты одан әрі дамыту үшін берік негіз қалағаны баса айтылды.
Өзбекстан басшысы байланыстардың жанданғанын, өзара сауданың үдемелі өсуін және жетекші кәсіпорындар арасындағы ынтымақтастықтың нығаюын қанағаттанушылықпен атап өтті.Көлік және логистика саласындағы ынтымақтастықты ілгерілетуге, атап айтқанда, Чабахар және Бандар Аббас порттарын тиімді пайдалануға ерекше көңіл бөлінді.
Сондай-ақ алдағы іс-шаралардың кестесі қарастырылып, халықаралық өзекті мәселелер бойынша пікір алмасу болды.