НҰРСҰЛТАН, 1 - қараша. - Eurasia Today. Ресей Федерациясы СІМ баспасөз қызметінің хабарлауы бойынша, осы елдің Сыртқы істер министрі Сергей В.Лавров «Россия 24» телеарнасына берген сұхбатта Ауғанстаннан келетін лаңкестік және есірткілік қауіп-қатерлерге жол бермеуге шақырды.

«Талибанның» (Қазақстанда тыйым салынған ұйым) билікке келуі Ресей және Орталық Азияның посткеңестік мемлекеттері, бұрынғы бауырлас республикаларымыз үшін күрделі сынақ. Айтыңызшы, біз бұл сынаққа дайынбыз ба және Орталық Азиядағы көршілерімізге қалай көмектесе аламыз?

Сергей Лавров: Біз үшін ең бастысы – олардың тұрақтылығы, өйткені Орталық Азиядағы одақтастармен біздің шекарамыз жоқ. Олардың барлығымен іс жүзінде визасыз режим орнатылған.
Ол үшін ең алдымен көршілес елдердің тұрақсыздануына және Ауғанстаннан келетін лаңкестік, есірткілік қауіп-қатерлерге жол бермей, бұл қауіптерді Ауғанстанның өз ішінде ауыздықтау қажет.