АСТАНА, 16 - мамыр. - Eurasia Todaу. Мешхедте Қырғызстан мен Иран арасында сауда-экономикалық және инвестициялық ынтымақтастықты дамыту бойынша бірінші кездесу өтті. Кездесу барысында қатысушылар инвестициялық мүмкіндіктермен, Қырғыз Республикасының аумағында бизнес жүргізу шарттарымен, сондай-ақ екі ел арасындағы сауда-экономикалық ынтымақтастықтың перспективаларымен танысты.

Осы шара аясында Қырғызстан-Иран бизнес форумы өтіп, оған екі елдің 40-тан астам компаниясының басшылары мен өкілдері қатысты. Екі елдің бизнесмендері мен жас кәсіпкерлері ауыл шаруашылығы өнімдерін, кептірілген жемістерді, құрылыс, бояу және әрлеу материалдарын, соның ішінде соңғы үлгідегі композициялық материалдар, азық-түлік өнімдері, минералды және химиялық тыңайтқыштар, сүт өнімдері және т.б. жеткізуге қызығушылық танытты.

Қырғыз Республикасының аумағында құрама мал азығына арналған компоненттер, әрлеу материалдары мен тыңайтқыштар шығаратын бірлескен кәсіпорындар құру мүмкіндігі қарастырылды.