АСТАНА, 24 - қаңтар. - Eurasia Todaу. Қазақстан мен Иран Ислам Республикасының бірлескен экономикалық комиссиясының 18-ші отырысы 25-26 қаңтарда Астана қаласында өтеді.

Бұл туралы Иран Сыртқы істер министрінің Экономикалық дипломатия істері бойынша орынбасары Мәһди Сафари мәлім етті. Ол Сыртқы істер министрлігінде өткен Экономикалық ынтымақтастық қызметкерлерінің отырысы барысында осы мәселеге тоқталып, мемлекеттік және жеке сектор өкілдерінен құралған ирандық делегацияның осы аптада Қазақстанға сапар жасайтынын атап өтті.

Мәһди Сафаридың айтуынша, сапар нәтижесінде банк ісі, көлік және транзит, ауыл шаруашылығы, жер өңдеу, сауда көлемін ұлғайту, энергетика, порт кооперациясы сынды түрлі салалардағы ынтымақтастықтың маңызды мәселелеріне қатысты құжаттарға қол қойылады.