НҰР-СҰЛТАН, 1 - маусым. - Eurasia Todaу. Бішкекте 25-30 мамыр аралығында Қырғыз Республикасы мен Тәжікстанның тәжік-қырғыз мемлекеттік шекарасын белгілеуге арналған топографиялық жұмыс топтарының кезекті кездесуі өтті. 

Тәжікстан СІМ мәліметінше, кездесу екі ел арасындағы достық пен өзара түсіністік жағдайында өтті. 

Үкіметаралық жұмыс топтарының келесі кездесуін Тәжікстан аумағында  өткізу жоспарланды. 

Айта кетсек, бұған дейін 5-10 сәуір аралығында Тәжікстан мен Қырғызстанның топографиялық жұмыс топтарының кездесуі өткен болатын. Екі ел арасындағы 970 шақырымға созылып жатқан мемлекеттік шекараның  519 шақырымының ғана ресми мәртебесі анықталған. Екі ел арасындағы даулы жерлерде көрші тұрғындар үнемі жанжалдасып қалады.