НҰР-СҰЛТАН, 3 - қыркүйек. - Eurasia Todaу. Ресей мен Қытайда коронавирус жұқтырғандар саны артып келеді. Солтүстік көршілеріміз бұған дейін аймақтарға қоғамдық орындарда бетперде киюді ұсынса, шығыстағы көршілеріміз тағы 2 мегаполисті карантинге жапты. 

Барлығына ДДҰ неғұрлым жұқпалы деп санайтын «омикронның» жаңа кіші түрлері кінәлі.  Осы уақытта Еуропалық дәрі-дәрмек агенттігі Omicron-ға бейімделген алғашқы күшейткіш вакциналарды мақұлдады. Дегенмен, олар дәл қазір әлемде үстемдік етіп отырған кіші түрлерге бағытталған емес. 

Әлемде COVID-19 инфекциясын жұқтырғандардың жалпы саны 600 миллионнан асты. Бұл ДДҰ-ға мәлімделген пандемияның бүкіл уақытындағы деректер. Жақында өткен конференцияда ұйымның Бас хатшысы әлемде ковидтен болатын өлім-жітім деңгейінің төмендеуін құптады. Дегенмен, күн суытқан сайын көрсеткіштердің артуы мүмкін екенін ескертті. Гебрейюс қазір таралып жатқан омикрон түрінің бұрынғыға қарағанда жұқпалы екенін қайталады. Ал одан да көп жаңа кіші түрлердің пайда болу қаупі сақталады.