АСТАНА, 12 - мамыр. - Eurasia Todaу. 12 мамырда Өзбекстан Республикасының Президенті Шавкат Мирзиеев Үкіметаралық бірлескен комиссияның кезекті отырысына қатысу үшін осы елге келген Тәжікстан Республикасының Премьер-Министрі Кохир Расулзоданы қабылдады.

Кездесуде өзбек-тәжік тату көршілік, стратегиялық серіктестік және одақтастық қатынастарын одан әрі нығайту мәселелері қарастырылып, практикалық ынтымақтастықты кеңейту перспективалары талқыланды.

Кездесу барысында Премьер-Министр Кохир Расулзода жоғары деңгейдегі келісімдерге сәйкес екіжақты ынтымақтастықтың қарқынды дамып келе жатқанын қанағаттанушылықпен атап өтті. Оның айтуынша өзара сауда мен жүк тасымалының көлемі мен табысты ынтымақтастық жобаларының саны артуда. Өңіраралық тығыз байланыстар орнатылып, белсенді мәдени-гуманитарлық алмасулар жүргізілуде.