АСТАНА, 17 - мамыр. - Eurasia Todaу. Ресей Федерациясының басшысы Владимир Путин Қазақстан Президенті Қасым-Жомарт Тоқаевты 70 жасқа толған мерейтойымен құттықтады. Бұл жөнінде Stan.kz ақпарат агенттігі Кремльдің таратқан ақпаратына сүйеніп хабарлайды.

“Телефон арқылы сөйлесу барысында Владимир Путин Қазақстан Республикасының Президенті Қасым-Жомарт Тоқаевты 70 жылдық мерейтойымен шын жүректен құттықтады. Орыс-қазақ одақтастық қатынастарын одан әрі нығайтуға және барлық салаларда өзара тиімді ынтымақтастықты кеңейтуге өзара бейімділік расталды. Бұған дейін Ресей президенті Қасым-Жомарт Тоқаевқа құттықтау жеделхатын жолдаған еді”, – делінген сәрсенбіде тараған ақпаратта.

Айта кетейік, бұған дейін Ақорда Тоқаевтың мерейтойын тойламайтынын айтқан. Қазір мемлекет басшысы Қытайда мемлекеттік сапармен жүр.