АСТАНА, 18 - мамыр. - Eurasia Todaу. 17 мамырда Бейжіңде мемлекеттік сапар аясында Тәжікстан Республикасының Президенті Эмомали Рахмон Қытай Халық Республикасы Мемлекеттік кеңесінің Премьері Ли Цянмен кездесті.

Кездесуде Тәжікстан мен Қытай арасындағы ынтымақтастықтың кең ауқымды мәселелері талқыланды.
Кездесу барысында екі ел арасындағы өнеркәсіп, энергетика, көлік, ауыл шаруашылығы, цифрлық экономика, электронды коммерция, ірі инфрақұрылымдық жобаларды жүзеге асыру және тау-кен өнеркәсібі саласындағы ынтымақтастық мәселелері талқыланды.
Сонымен қатар ауыл шаруашылығы өнімдерін, әсіресе мақта, көкөністер мен жемістерді өңдеуге заманауи қытайлық технологияларды тарту, сондай-ақ жібек шаруашылығы мен фармацевтика саласындағы ынтымақтастықты дамыту мәселелері қарастырылды.
2023 жылғы 16 мамырда Тәжікстан Республикасының Президенті Эмомали Рахмон Қытай Халық Республикасының Бейжің қаласына мемлекеттік сапармен келді.