АСТАНА, 20 - ақпан. - Eurasia Todaу. Өзбекстан Республикасының Президенті Шавкат Мирзиеев Мысыр Араб Республикасының Президенті Абделфаттах ас-Сисидің шақыруымен 20-21 ақпан күндері осы елге ресми сапармен барады.

ӨР президенті баспасөз қызметінің хабарлауы бойынша жоғары деңгейдегі келіссөздердің күн тәртібіне Өзбекстан Мысыр қарым-қатынасын одан әрі нығайту мәселелерінің барлық кешені кіреді.
Саяси, сауда-экономикалық, мәдени-гуманитарлық және білім беру салаларындағы ынтымақтастықты дамыту перспективаларына ерекше назар аударылып, халықаралық және өңірлік күн тәртібі бойынша пікір алмасу болады.

Саммит қорытындысы бойынша Бірлескен мәлімдеме қабылдап, бірқатар екіжақты құжаттарға қол қою жоспарлануда.

Сапар бағдарламасы аясында Өзбекстан басшысы Мысырдың жетекші компанияларының басшыларымен және іскер топ өкілдерімен кездеседі.