НҰРСҰЛТАН, 1 - қараша. - Eurasia Today. Әлемде кең қолданысқа ие Whats App мессенджері бүгіннен бастап 4.1 Android  және 10 іOS нұсқасынан төмен ескі телефондарда жұмыс істемейтін болды. Аталмыш өзгерістер туралы Whats App ресми сайтында жазды, деп хабарлайды ақпарат тілшісі. 

Сайт мәліметіне сәйкес, 1 қарашадан бастап қосымша Android смартфондарында операциялық жүйесі 4.1-тен төмен емес және iPhone іOS 10- нан жоғары модельдерден бастап жұмыс істейді. Whats App одан ескі гаджеттерді бағдарламалық қамтамасыз етуден бас тартқан. Компания бұның себебін техникалық эксплуатация мерзімінің өтіп кеткендігімен түсіндіреді. Сайт мәліметінше, олардың процессорының қуаты көптеген жаңа бағдарламаларды жүктеуге қауқарсыз әрі аккумуляторы әлсіз.