НҰРСҰЛТАН, 26 - қараша. - Eurasia Today. Қазақстанда 2022 жылғы 1 қаңтардан бастап Салық кодексінің шетелдік интернет-компаниялардың Қазақстанда орналасқан жеке тұлғаларға сатылған тауарлары, қызметтері үшін салық төлеу жөніндегі міндеттемелері туралы нормалары күшіне енеді.

Ұлттық экономика министрлігінің хабарлауынша, онлайн платформалар арқылы қызметтері мен тауарларын сататын барлық шетелдік компаниялар Қазақстан бюджетіне салық төлеуге міндетті болады. Сатылған тауарлар мен қызметтердің сомасына салық ставкасы 12% құрайды. Ведомствода атап өткендей, бұл қазақстандық төлеушілерге әсер етпейді. Төлем процедурасы өте қарапайым болады. Компаниялар салық салу мақсатында тіркелмейді. Оңайлатылған тәртіпте олар салық органдарына хат жолдап, салық төлеуге дайын екендігі туралы хабарлайды.