Былтыр Иранның мұнай өңдеу қуаты артып, тәулігіне 2 370 000 баррельге жетті.
Иранның Мұнай министрі Джавад Оуджи бүгін, наурыздың 20-на дейінгі һижра шамси жыл санағы бойынша 1402 жылы елде бензин өндірісінің 18 миллион литрге, дизель отыны өндірісінің 8 миллион литрге ұлғайғанын, елдің мұнай өңдеу қуаты тәулігіне 2 миллион 370 мың баррельге жеткенін мәлімдеді.
Иранның Мұнай министрі елде сұйық газ өндірісі 2019 жылғы 3,2 миллион тоннадан былтыр 6,5 миллион тоннаға дейін өскенін, оған бүкіл әлемде, соның ішінде Еуропа мен Азияда да сұраныс бар екенін айтты.
Елдің мұнай өңдеу қуаттылығы 2022 жылғы тәулігіне 2 миллион 100 мың баррельден 2024 жылдың наурыз айының жиырмасына дейін 2 миллион 370 мың баррельге өсті.
Осы мәлімет бойынша мұнай-химия өнімдерінің өндірісі 2022-2023 жылдарғы 65 миллион тоннадан 75 миллион тоннаға дейін өсті. Мұнай-химия өнімдері экспортының салмағы да 2021 жылғы 29 миллион тоннадан 2023 жылы 24,4-ке дейін өсті. Бұл 19 пайыздық өсімді көрсетеді.
Өткен жылмен салыстырғанда Иранда былтыр мұнай, мұнай-химия және газ саудасының көлемі мен құны да артты. Оның 12 миллиард доллары мұнай-химия саласына, ал 5 миллиард долларға жуығы сұйылтылған мұнай газының үлесіне тиесілі. Сондай-ақ 35 миллиард доллар мұнай экспортталып, өңдеу секторындағы сауда 8 миллиард долларды құрады. Бұл мұнай-газдың былтырғы жылғы шамамен құны 50 миллиард долларлық саудасын көрсетеді.












