Тәжікстан Білім және ғылым министрі Рахим Саидзода елдің мектептерінде бүгінгі таңда 300-ге жуық мұғалім жетіспейтінін хабарлады.
Бұл туралы Тәжікстан Білім министрлігінің өкілі жыл сайынғы іс-шараларды қорытындылауға арналған баспасөз мәслихаты барысында айтты.
Asiaplustj.info сайтының мәліметі бойынша биылғы оқу жылының басында осы елдің мектептері үшін 4,4 мыңға жуық мұғалім қажет болған. Бұл өткен жылмен салыстырғанда 947-ге артық.
Бұл мәселені шешу үшін жас мамандарды бөлу жұмыстары жүргізіліп, 3432 түлек орта кәсіптік және жоғары кәсіптік оқу орындарына жіберілді. Бірақ олардың 2386-сы ғана жұмысқа шықты.
Сонымен бірге, биылдан бастап Тәжікстан мектептерінде әртүрлі себептермен бұрын жұмыстан кеткен 1537 мұғалім жұмысқа оралды.
Министр сондай-ақ қазіргі уақытта Тәжікстан мектептерінде 128 мыңнан астам мұғалім жұмыс істейтінін, олардың 72 пайызы әйелдер екенін айтты.
Саидзода Тәжікстанда педагог кадрлардың тапшылығы мәселесі бірте-бірте шешіліп келе жатқанына тоқталды.
Айта кетейік, Тәжікстанда бұл мәселені Білім министрлігі өкілдері бірінші рет көтеріп отырған жоқ. Алдыңғы жылы да, өткен жылы да Тәжікстанда да осындай мәселе болған.
Былтыр Тәжікстанда 3 мың 434 мұғалім жетіспеді. Бұл елде көбінесе математика, физика және химия сияқты нақты ғылымдар бойынша пәндердің мұғалімдері аз.












