Грузияда 1 тамыздан бастап «шетелдік ықпалдың ашықтығы туралы» заңның барлық нормасы күшіне енді.
Еуразия Тудейдің Anadolu агенттігіне сілтеме жасап хабарлауы бойынша, «шетелдік агенттер» туралы заң Үкіметтік емес ұйымдар мен БАҚ-н шетелдік күштің мүдделерін жүзеге асыратын ұйым ретінде ұлттық мемлекеттік тізілім агенттігінде тіркеуге міндеттейді. Енді кірістердің 20 пайыздан астамы шетелден түсетін барлық ұйым үшін тізілімде тіркелу міндетті болып табылады. Тіркеу кезінде алынған қаражаттың көзі, мөлшері және мақсаты туралы ақпаратты көрсету қажет. Бұған дейін Грузия Президенті Саломе Зурабишвили Конституциялық сотқа шетелдік агенттер туралы заңға қарсы шағым түсірді. Алайда 14 мамыр күні Грузия парламенті үшінші оқылымда Грузияның мыңдаған азаматының қарсылығы мен шерулерге қарамастан шетелдік агенттер туралы заңды қабылдады.












