Қазақстан мен Аустрия арасындағы тікелей әуе рейсі 2025 жылдың көктемінде 2 рет жиілікпен іске қосылады.
Еуразия Тудейдің Азаматтық авиация комитеті баспасөз қызметіне сілтеме жасап хабарлауы бойынша бұл туралы Қазақстан-Аустрия Іскерлік кеңесінің 9-шы отырысында талқыланды.
Осы мәлімет бойынша Қазақстан-Аустрия Іскерлік кеңесінің 9-шы отырысын өткізу кезеңінде ҚР Көлік Вице-министрі Талғат Ластаев бастаған қазақстандық делегацияның құрамында СКАТ авиакомпаниясының Вице-президенті Владимир Сытник пен ҚР Аустриядағы елшілігінің өкілдері Австрияның туризм жөніндегі мемлекеттік хатшысы Сюзанна Краус-Винклер және Вена әуежайының бас директоры Юлиан Йегермен кездесулері өтті.
Кездесулер барысында Қазақстан мен Аустрия арасында 2025 жылдың көктеміне жоспарланған СКАТ әуекомпаниясының аптасына 2 рет жиілікпен тікелей рейсін ашу, сондай-ақ, туризмді дамыту үшін визалық қолдау мәселелері талқыланды.
Еуропа елдері арасында тәуелсіздігімізді алғашқылардың бірі болып Аустрия Республикасы 1992 жылы 19 ақпанда мойындап, екі ел арасында дипломатиялық қарым-қатынас орнатылды.
1995 жылы Қазақстанның Аустриядағы Елшілігі, 2007 жылы Аустрияның Қазақстандағы Елшілігі ашылды.












