Американың Мемлекеттік хатшысы Энтони Блинкен алдын ала хабарланбаған сапарда Иракқа келіп, осы елдің премьер- министрімен кездесті.
Еуразия Тудейдің Al Jazeera агенттігіне сілтеме жасап хабарлауы бойынша АҚШ Мемлекеттік хатшысы Энтони Блинкен алдын ала хабарланбаған сапарда Ирак астанасы Бағдадқа келді.
Францияның хабар агенттігі де Блинкеннің Ирак премьер-министрі Мохаммад Шиа әс-Суданимен кездескенін хабарлады.
Блинкен осы сапарында: “Сириядағы аз ұлттар қолдауға ие болсын. Сирияда осы елдің барлық тобын қамтитын Үкімет құрылсын” — деді.
Блинкен сонымен қатар: “Ирак өзінің егемендігі мен тұрақтылығын нығайтсын. ДАИШ-тың аймақта қайтадан пайда болуына жол бермеу керек. Аймақ елдері Сирия халқына осы елдегі бұрынғы үкіметтің салдарларынан құтылу үшін қолдау керсетуі керек”, — деді.
Блинкен: Біз Сирия халқына Асад жүйесінен құтылудан кейінгі өтпелі саяси үдерісте қолдау танытамыз”, — деген уәж айтты.
Еске салайық, Блинкен Сириядағы оппозициялық топтардың шабуылы нәтижесінде Башар Асад режимі құлағаннан кейін бұл күндері Таяу Шығыс аймағында іссапармен жүр.
Блинкен Ирак сапарынан бұрын 13 желтоқсанда Түркия президенті Режеп Тайып Ердоғанмен және Сыртқы істер министрі Хакан Фиданмен кездесіп, Сириядағы жағдайды қалпына келтіру туралы кеңесті.












