Иран армиясы Құрлық күштерінің құрамын толықтыратын жаңа үш ұшқышсыз әуе жүйесін таныстырды.
Еуразия Тудейдің хабарлауы бойынша, бұл туралы Иран армиясы Құрлық күштері қолбасшысының орынбасары, бригада генералы Ноузар Немати мәлімдеді.
Ұшқышсыз әуе жүйесінің арасында тік ұшуға қабілетті “Хома” және “Дидебан Незаджа” ұшақсыз ұшу аппараттары мен “Шаһин йек” FPV соққы квадрокоптері бар.
“Хома” — ұшу биіктігі 1200 метр болатын түнде қолдануға ыңғайлы, ұшу-қону жолағын қажет етпейтін ұшқышсыз ұшу аппараты.
“Дидебан Незаджа” — күндіз де, түнде де қолдануға ыңғайлы жеңіл әрі ықшамды ұшақсыз ұшу аппараты.
Бұл ұшақсыз ұшу аппараты нысаналардың орнын дәл анықтауға арналған. Ұшу биіктігі шамамен 1800 метр болатын бұл ұшқышсыз ұшу аппараты ұшу-қону жолағын қажет етпей, кез келген жағдайда, тіпті электронды соғыс құралдарын белсенді пайдаланған кезде де әртүрлі барлау миссияларын орындап, нысаналардың координаттарын нақты анықтай алады.
“Шаһин йек” FPV соққы квадрокоптері -қарсыластың тұрақты және қозғалатын барлық нысанасына жоғары жылдамдықпен соққы жасап, жоюға қабілетті.













