Иран Сыртқы істер министрі Сейед Аббас Арақчи Ауғанстанның уақытша үкіметінің басшыларымен кездесу үшін Кабулға сапармен барады.
Еуразия Тудейдің хабарлауы бойынша Иран Сыртқы істер министрлігінің баспасөз хатшысы Исмаил Бақайи “Иран” газетіне берген сұхбатында Сыртқы істер министрі Сейед Аббас Арақчидің жақын арада Ауғанстанға сапармен баратынын мәлім етті.
Бақайи сұхбатта: “Көршілес екі ел арасындағы тарихи, мәдени, тілдік және діни терең байланыс Иран мен Ауғанстанды жоғары мүдделерін қамтамасыз етіп, сын-қатерлермен қарсыласу үшін үйлесімділік пен ынтымақтастықты күшейту қажеттілігін осы уақытта маңызды іске айналдырды”, — деді.
Арақчидің осы қызметтегі Ауғанстанға алғашқы бір күндік сапарында екі ел мүдделі немесе екі жақ үшін алаңдаушылық туғызып отырған бірқатар тақырып пен мәселе қарастырылып, талқыланады.
Осы сапарда Арақчимен Иранның әртүрлі министрліктерінің өкілдері мен сауда экономикалық делегация бірге барады.
Джомһур сайтындағы мәліметке сәйкес, Талибан тобының Сыртқы істер министрлігінің үшінші саяси департаментінің басшысы Закер Джалали бүгін, қаңтардың жиырма үші күні Х платформасындағы аккаунтында: “Талибан мен Иран арасындағы саяси, экономикалық және қауіпсіздік салаларындағы ортақ мүдде — екіжақты серіктестікті нығайту үшін мүмкіндік”, — деп жазды.
Оның айтуы бойынша, Иран Сыртқы істер министрінің Кабулға сапары осы топтың Иранмен саяси, экономикалық және қауіпсіздік салаларындағы мүдделерін күшейту үшін жасалатын сындарлы қадам болмақ.
Айта кетейік, бұл Иран Ислам Республикасы Сыртқы Істер министрінің Ауғанстанда Талибан тобы билікке келгеннен кейінгі жасайтын алғашқы сапары саналады.












