Иранның діни жетекшісі аятолла Әли Хаменеи Ислам революциясы Батыс әлемін таң қалдырғанын мәлімдеді.
Еуразия Тудейдің хабарлауы бойынша, Иранның діни жетекшісі аятолла Әли Хаменеи бұл туралы имам Хомейнидің қайтыс болғанына 36 жыл толуына орай ұйымдастырылған салтанатты шарада сөйлеген сөзінде айтты.
Хаменеи елдің саяси жүйесі өсумен, тұрақтылықпен, күшпен сипатталатынын және бұл ұлы революцияның жемісі екенін қуаттады.
Әли Хаменеи сөзінің негізгі мәтіні төмендегідей:
Ұлттық тәуелсіздік елдің Америка және оған ұқсас елдерден жасыл немесе қызыл жарықты күтпейтінін білдіреді. Ұлттық тәуелсіздіктің негізгі қағидаларының бірі – “Біздің қолымыздан келеді” деген қағидасы.
Ұлттық тәуелсіздік байланыстың жоқтығын білдірмейді. Оның мәні Иран халқы мен елінің өз аяғымен тұруында.
Ұлттық тәуелсіздіктің тағы бір қағидасы — елдің қорғаныс қуатын нығайту.
Американың басты талабы – Иранда ядролық өнеркәсіптің болмауы. Осылайша олар Иранды АҚШ-на мұқтаж етуді қалайды. АҚШ-тың бұл бос сөзіне біздің жауабымыз белгілі. Олар бұл мәселеде мүлдем ештеңе істей алмайды.
Иранның уранды байытатыны немесе байытпайтынына неліктен араласасыздар? Сіздердің бізде шаруаларыңыз болмасын! Сіздер кімсіздер бізге бұйрық беретін?
Сионистік режимнің азық-түлік тарату орталығын тікелей атқылау арқылы палестиналықтарды жаппай қырып-жою қылмыстары олардың қатыгездігі мен жауыздығының шектен шыққанын көрсетеді. АҚШ олардың бұл қылмысына сыбайлас және олар аймақтан шығарылуы керек.
Үкіметтер сионистік режимге сүйену ешбір мемлекетке қауіпсіздік әкелмейтінін білсін. Бұл режим ыдыраудың алдында тұр. Егер Алланың қалауы болса, ол ұзақ өмір сүрмейді.
Иран қажырлы еңбек пен күш-жігердің арқасында толық ядролық отындық цикліне қол жеткізе алды.
Ядролық өнеркәсіп қызметі тек электр энергиясы міндетімен ғана шектелмейді. Бұл көптеген ғылыми салаларға әсер ететін негізгі сала.












