Иранның Кашан қаласындағы Амин ад-Доуле жабық алаңы ирандық суретшілердің геометриялық үлгідегі жауһары болып табылады.
Еуразия Тудейдің хабарлауы бойынша, Амин ад-Доуле Кашандағы Мианчал базарының қиылысында орналасқан.
Құрылысы 1906 жылы аяқталған бұл ғимараттың таңғажайып сұлулығы мен геометриялық үлгідегі ерекшелігі оны бірегей және теңдесі жоқ етеді.
Кашан базары Иранның ең маңызды және ең әдемі базарларының бірі болып саналады.
Базар һижра жыл санауы бойынша XII ғасырдың аяғында жер сілкінісінен толығымен жойылды. Алайда, Қаджарлар дәуірінде Фетх Әли шах пен Насриддин шах тұсында ол қалпына келтірілді. Сонымен қатар, осы қайта құрулар кезінде көптеген ғимараттар да салынды.
Сол ғимараттардың арасында Амин ад-Доуле салған жабық алаң мен керуен сарайда бар.
Амин ад-Доуле базардың орталық нүктелерінің бірінде Баба Афзал көшесі мен Камал-ол-Молк алаңының қиылысында орналасқан Кашанның көрікті жерлерінің бірі.
Амин ад-Доуле жабық базар алаңы немесе Амин ад-Доуле керуен сарайы Кашан қаласындағы Қаджар дәуіріндегі ғимараттардың бірі болып саналады.
Ол осы қаланың тарихи базарының қиылысында орналасқан және Мианчал деген атпен танымал.
Һижра жыл санауы бойынша XII ғасырдың аяғында бұл базар жер сілкінісінен қирап, кейін ғимаратты Қаджарлар дәуірінде сол кездегі көрнекті қайраткерлердің бірі Амин ад-Доуле деген атпен белгілі Фаррох хан Ғаффари қалпына келтірілді.
Амин ад-Доуленің атымен аталған бұл ғимарат Кашан базарының бір бөлігі болып табылады. Оның құрылысы 1901 жылдан 1906 жылға дейін созылды. Ғимараттың сәулетшісі — Әли Мариям Кашани.












