Анкара Иранға бағытталған кез келген әскери басқыншылыққа қарсы.
Еуразия Тудейдің Анадолу агенттігіне сілтеме жасап хабарлауы бойынша, бұл туралы Түркияның Сыртқы істер министрі Хакан Фидан Ыстанбұлда БАҚ өкілдеріне арналған брифинг барысында мәлімдеді.
Хакан Фидан Тегеранның ішкі мәселелерін өзі шешуі қажет екенін айтып: “Біз Иранға қарсы қол сұғушылық әрекеттерге қарсымыз. Иран өз ішкі мәселелерін өзі шешуі тиіс. Сондықтан күш қолдануға алып келуі мүмкін кез келген жағдайдың толық алдын алу біздің басты басымдығымыз. Біз мәселелердің диалог арқылы шешілуін шын мәнінде қалаймыз. Менің ойымша, Ирандағы ауқымды тұрақсыздық аймақ үшін аса ауыр салдарға әкеледі”,-деді.
Фидан ирандық әріптестерімен жүргізген келіссөздер барысында Тегеранға аймақ елдерімен арадағы келіспеушіліктерді реттеу қажеттігін жеткізгенін айтып: “Иран ядролық мәселелер аясында экономикалық қиындықтар тудыратын мәселелерді жою үшін келіспеушіліктерді дипломатиялық жолмен реттеуі қажет”, – деді.
Ведомство басшысы Иранға қатысты үдерістердің Анкара үшін маңыздылығын атап, Түркияның Тегеранға қатысты оқиғаларды мұқият қадағалап отырғанын баса айтты.












