«Ансаролла» қозғалысы араб елдерінің егемендікті қорғау немесе шабуылдарға жауап беру құқығы деген желеумен бұл соғысқа араласуын күтуде.
Йемен аймақтағы соғысқа араласуы үшін бірнеше мәселеге назар аудару қажет. Бірінші сценарий бойынша Йемен бұл соғыста «Эпштейн аралы» өсімен қақтығыстардың шиеленісуін және аймаққа теңіз флоты мен авианосецтердің жұмылдырылуын күтуде. Олар соғыс алаңына шығып, жаудың теңіз күштеріне соққы беру арқылы олардың әрекеттерін тоқтатып тастауды көздейді.
Екінші сценарийға сәйкес, «Ансаролла» қозғалысы араб елдерінің егемендікті қорғау немесе шабуылдарға жауап беру құқығы деген желеумен бұл соғысқа араласуын күтуде. Мұндай жағдайда Сауд Арабиясы мен Парсы шығанағы елдерінің әскери және экономикалық нысандары Йемен қарулы күштері үшін заңды нысанаға айналады.
Үшінші болжам бойынша «Ансаролла» өз әрекеті тиімді болатын және Йемен картасын босқа күйдіріп алмайтын қолайлы сәтті күтуде. Қазіргі жағдайда қозғалыстың соғысқа кіруі айтарлықтай нәтиже бермейді, тек Йеменнің өзін соққының астында қалдыруы мүмкін.
«Джеральд Форд» авианосецінің мәселесі бойынша, егер «Форд» авианосеці Суэц каналы арқылы Араб теңізі мен Үнді мұхитына өту үшін Қызыл теңізге кіретін болса, ол міндетті түрде Йемен жағалауының тұсынан өтуі тиіс. Бұл жағдай «Ансаролла» үшін өте қолайлы мүмкіндік туғызады.
Айта кетейік, «Ансаролла» — Йемендегі саяси-әскери қозғалыс. Бұл топ Йеменнің солтүстігі мен батысындағы кең алқаптарды, соның ішінде астанасы Сана қаласын бақылауда ұстап отыр. Олар өздерін аймақтағы «Қарсыласу өсінің» бір бөлігі ретінде таныстырады.












