Иран Сыртқы істер министрі Сейед Аббас Арақчи елінің Америкаға ешқашан сенбейтінін қуаттады.
Еуразия Тудейдің хабарлауы бойынша Арақчи бұл туралы әл-Джазира арнасына берген сұхбатта мәлімдеді.
Арақи: «Иран Қатардағы Американың базасына шабуыл жасаған кезде Парсы шығанағына мүше елдердің Сыртқы істер министрлері Дохаға барып, Қатармен бірліктерін жариялап, сол жерде мәлімдеме дайындады. Мен Парсы шығанағына мүше елдердің алты Сыртқы істер министріне телефон соғып, менің есімімді де сол мәлімдеменің астына жазыңыздар деп өтіндім. Иран да Қатармен ынтымақтастығын мәлімдейді. Неге? Себебі біздің Қатармен ешқандай мәселеміз жоқ. Біз америкалық базаға шабуыл жасадық. Өкінішке орай, база Қатарда орналасты. Біз ешқашан Америкаға адал келіссөз жүргізуші ретінде сенген емеспіз. Америка ешбір істе шынайы болған емес.
Менің ойымша, ешкім Америкаға сене алмайды, бірақ бұл сіздің дипломатияны сынақтан өткізуіңізге кедергі келтірмейді.
Біз алдыңғы раундта Америкамен толық сенімсіздікпен келіссөз жүргіздік, бірақ шындығында Америкамен кез келген келіссөзге деген сенімді біртіндеп жоғалттық», — деді.
Иран Сыртқы істер министрі Аббас Арақчи сұхбаттың бір бөлігінде Агенттікпен серіктестік әдісін қайта қарау керектігін қуаттады.
Арақчи: «Шындық мынада: Еуропаның үш мемлекеті жасаған әрекеттерімен шын мәнінде дипломатияның жолын қиындатты. Айтқанымдай, дипломатияға соққы жасады. Оңайлықпен оның орнын толтыруға болады деп ойламаймын.
Иран мен Агенттік арасында келіссөз жүргізілді. Нәтижесінде негіз дайындалып, Каирде мен және Гросси оған қол қойдық. Бұл Иранның агенттікпен әрекеттестікке әзір екендігінің белгісі ретіндегі ізгі ниетін көрсетті.
Сонымен қатар дипломатиялық бағыттардағы қозғалысқа дайынбыз. Бірақ өкініштісі, Иранның бұл әрекетіне толығымен көзжұмбайлық танытылды. Еуропаның мемлекеттері мен Америка қауіпсіздік кеңесінде Снепбэк пен бұрынғы қарарларды қайтаруға әрекет жасады.
Каир келісімінің бұдан былай тиісті күші жоқ. Біз Агенттікпен серіктестік тәсілімізді қайта қарауымыз керек. Бұл болатын іс», — деді.












