Иран СІМ басшысы Аббас Арақчи Араб мемлекеттері лигасы және Ислам ынтымақтастық ұйымының кезектен тыс саммитінің сәтті өткенін мәлімдеді.
Еуразия Тудейдің ИРНА агенттігіне сілтеме жасап хабарлауы бойынша, Иран Сыртқы істер министрі Аббас Арақчи бұл туралы сәрсенбі күні министрлер кабинетінің отырысында тілшілерге берген сұхбатында айтты.
Арақчи: «Саммитке қатысқан елдердің басшылары сионистік режимнің қылмыстарына, атап айтқанда сионистік режимнің Иран Ислам Республикасына жасаған шабуылына қарсы өте берік ұстаным білдірді. Біздің ойымызша, бұл саммит өте сәтті өтті.
Эр-Риядтағы саммит ислам және араб елдері басшыларының екінші ортақ саммиті болды. Бұл отырыста Палестина мен Ливан мәселелері және сионистік режимнің қылмыстары туралы 38 тармақтан тұратын қарар қабылданды.
Сионистік режимге қарсы бағытталған бұл қарар оның әрекеттерін айыптады»,-деді.
Иран дипломатиясының басшысы сондай-ақ Иран мен АҚШ арасындағы келіспеушіліктердің зиянын азайту қажеттігін қуаттап, екі ел арасында әрқашан байланыс арналары болғанын баса айтты.
Иран СІМ басшысы: «АҚШ-мен арадағы келіспеушіліктер кейде өте іргелі және шешілмейтін мәселе болуы мүмкін. Бірақ, біз олардың зардаптары және шиеленістерін азайта білуіміз керек. Америка билігінің мәлімдемелері біз үшін маңызды емес екенін сан рет айттық», —












