Армения Сыртқы істер министрлігі мәлімдемесінде Армения үкіметінің 21 шілдеден бастап тәуелсіз Палестина мемлекетін мойындайтынын жариялады.
Еуразия Тудейдің Армения СІМ баспасөз қызметіне сілтеме жасап хабарлауынша аталған елдің ведомствосы Газадағы гуманитарлық апаттың халықаралық саяси күн тәртібіндегі негізгі мәселелердің бірі және шешімді қажет ететінін мәлімдеді.
Бұл мәлімдемеде Армения Республикасының азаматтық инфрақұрылымға жасалған шабуылдар мен бейбіт тұрғындарға қарсы зорлық-зомбылықты қатаң айыптайтыны айтылған.
Армения Сыртқы істер министрлігі Армения Республикасының Біріккен Ұлттар Ұйымы Бас Ассамблеясының Газа секторындағы атысты тез арада тоқтатуға шақыратын қарарларына қосылатынын, оның үстіне Армения Республикасы Таяу Шығыста бейбітшілік пен тұрақтылық орнатуға, еврей және палестиналық халықтар арасында ұзақ мерзімді бейбітшілік орнатуға шын ниетпен мүдделі екендігін мәлімдеді.
Армения Республикасы мәлімдеменің соңында жоғарыда айтылғандарды негізге ала отырып және халықаралық құқыққа, ұлттардың теңдігіне, егемендік пен бейбіт қатар өмір сүруге өзінің адалдығын растай отырып, Палестина мемлекетін мойындайтынын жариялады.
Айта кетейік, Армения Еуропаның үш елі — Испания, Словения және Ирландиядан кейін Палестина мемлекетін ресми түрде таныды.












