ҚР Мемлекет басшысы Қасым-Жомарт Тоқаевтың тапсырмасына сәйкес елде бала күтімі бойынша төлем ұзақтығы 1,5 жасқа дейін ұзартылды. Бұл туралы ақпарат торабының тілшісі UKIMET сайтына сілтеме жасап хабарлады.
Осы мәліметке сәйкес, 2023 жылғы 1 тамыздағы жағдай бойынша республикалық бюджеттен 107,2 мың жұмыс істемейтін ата-ана 20,9 млрд теңге сомасына жәрдемақы алды.
Мемлекеттік әлеуметтік сақтандыру қорынан 439,6 мың ата-ана 144,8 млрд теңге сомаға табысынан айырылу бойынша әлеуметтік төлем алды.
Мемлекет басшысы Қасым-Жомарт Тоқаев 2022 жылы қыркүйектің 1 күнгі Қазақстан халқына Жолдауында: «Біз 2023 жылдың 1 қаңтарынан бастап бала күтімі бойынша жәрдемақы төлеу мерзімін 1,5 жылға дейін ұлғайтамыз. Ең маңызды нәрестелік кезеңде ата-аналар балаларымен ұзағырақ болады», — деген болатын.



















