Сирияның бұрынғы президенті Башар Асадқа Мәскеуде қастандық жасалды.
Еуразия Тудейдің Иорданияның Al-Bawaba ақпарат торабына сілтеме жасап хабарлауы бойынша Сирияның бұрынғы президенті Башар Асадқа Ресей астанасы Мәскеуде қастандық жасалған.
“Сирияның адам құқығын” бақылау орталығы Сирияның биліктен тайдырылған президенті Башар Асадқа Ресей астанасы Мәскеуде тамағына у қосып, қастандық жасау әрекеті болғанын хабарлады.
Осы мәлімет бойынша 2024 жылы Сириядан Мәскеуге қашқан Башар Асад жасалған қастандықтан аман қалған.
Al-Bawaba «X» әлеуметтік желісінде жарияланған хабарламаға сілтеме жасап: «Асад өткен дүйсенбіде Мәскеу маңындағы ауруханадан шығарылды. Оның денсаулығы қазір жақсы», — деп жазды.
Адам құқығын бақылау орталығы құпия дереккөзіне сілтеме жасап: “Осы қылмысты жасаған топ Ресей үкіметін қысылтаяңда қалдырып, Асадқа қастандық жасаумен айыптауды мақсат етті” — деп жазды.
БАҚ-ның мәліметтеріне сәйкес, Башар Асад ауруханада жатқан кезде оған тек ағасы Махир Асад пен Сирия президенті істерінің бұрынғы Бас хатшысы Мансұр Эзамның ғана кіруге рұқсаты болған.












