Арықтау көп жағдайда қиын болатыны баршаға анық. Диета, спорт, өмір салты және тағысын тағы басқа…
Бәрін бірден өзгерту мүмкін емес сияқты.
Алайда салмақ тастаудың көңіліңізден шығатын жолдарын қолдансаңыз, бұл процесс оңай бола алады. Би, жүгіру, жүзу … Осылардың арасында өзіңізге ұнайтын спорт не ойын түрін таңдап, өзіңізді қинамай-ақ арықтай аласыз.
Ал Ұлыбританиядағы Хердфордшир университетінің профессоры Ричард Уайзман оң қолмен тамақ жейтін адамдарға салмақ жоғалтудың жаңа оңай әдісін ұсынды.
Тақырыпқа орай:
Профессордың пікірінше, артық салмақтан құтылу үшін ең тиімді оңай жолы оң қолымен тамақ жейтін адамдар ас құралын (қасық немесе шанышқыны) сол қолымен жесе болғаны. Бұл әдіс солақайлар үшін де тиімді. Бұл жағдайда солақайлар ас құралын оң қолымен ұстап, тамақтанғаны жеткілікті.
Ғалым осылайша миды алдап, қанықтылық сезімін оятуға болатынын айтады. Үйренбеген қолмен тамақ жеу тамақты баяу әрі аз мөлшерде қабылдауға мәжбүр етеді.
Аз тамақтануға мүмкіндік беретін тағы бір психологиялық әдіс – айнадан өз бейнесіне қарап тамақтану.










