Америка Армиясының Орталық Қолбасшылығы бүгін бейсенбік күні Иран жеріндегі нысандарға соққы жасағаны туралы бейнебаян жариялап, шабуылдардың жаңа кезеңі аяқталғаны туралы уәж айтты.
CENTCOM бүгін бейсенбі күні Х әлеуметтік желісінде мәлімдеме жариялап, америкалық әскери күштердің Иран аумағына шабуылынан видео жариялады.
Осы мәлімдемеде басқыншылықты ақтау мақсатында былай жазылған: «АҚШ Орталық қолбасшылығының әскери күштері (CENTCOM) 8 шілдеде Ормұз бұғазындағы сауда кемелері мен әскери емес жазықсыз теңізшілерге Иранның шабуыл жасаудағы әлеуетін барынша әлсірету үшін шабуылдардың жаңа кезеңін аяқтады».
CENTCOM соққы жасалған нысандарға қатысты сөзін жалғап: «АҚШ күштері Иранның жағалау сызығы бойындағы әуе шабуылына қарсы қорғаныс жүйелерін, жағалауды бақылау құралдарын, зымырандар мен ұшқышсыз ұшу аппараттарын сақтайтын орындарын, әскери-теңіз мүмкіндіктері мен әскери-логистикалық инфрақұрылымдарын қосқанда 90-ға жуық әскери нысанына шабуыл жасады», — деп мәлімдеді.
АҚШ-тың әскери ведомствосы Иранға қарсы әскери операцияның сәтті өткенін айтып: «Жаңа соққылар өткен түні Иран аумағында жасалған шабуылдардың сәтті аяқталуынан кейін жүзеге асырылып отыр», — деп жазды.
АҚШ пен Иран арасындағы соңғы уағдаластықты бұзған Уашиңтоң бұл жолы жауапкершілікті Иранға жүктеді:
СЕНТКОМ өз мәлімдемесінде: «СЕНТКОМ күштері 7 шілдеде Иранның атысты тоқтату келісімін бұзғаны және Ормұз бұғазы арқылы өтіп бара жатқан коммерциялық үш кемеге шабуыл жасағаны үшін Иранға ауыр шығын таңу мақсатында осы елдің 80-ге жуық әскери нысанына, соның ішінде Ислам революциясы сақшылар корпусының 60-тан астам шағын қайығына соққы жасады.
АҚШ әскері қырағы, жойқын күшке ие және Бас қолбасшы бұйырған кез келген операцияларды орындауға дайын», — деді.












