Дубай бағытындағы жеті рейс метерологиялық себептерге байланысты Иранның Бандар-Аббастағы әуежайына қонды.
Көрінімділіктің күрт нашарлауына байланысты Дубай әуежайы бірнеше сағатқа жабылғаннан кейін Дубай бағытында ұшып келе жатқан Ресей мен Чехияның жеті рейсі Иранның Бандар-Аббас халықаралық әуежайына қонды.
Һормозган провинциясындағы әуежайлардың бас директоры Казем Тавассоли бағыты өзгертілген рейстерді қабылдау үдерісі әлі жалғасып жатқанын мәлімдеді.
Ол былай деді: «Бандар-Аббас әуежайының операциялық барлық бөлімшесі, жердегі қызметтері және қауіпсіздігі толық дайындық жағдайға келтірілді. Осы рейстердің жолаушылары мен экипажына қажет қызмет көрсетілді. Бақытымызға орай, барлық қабылдау кезеңі ешқандай қиындықсыз жүзеге асырылды. Бұл үдерісті жалғастыру үшін жағдай дайын.
Бұл оқиға Бандар-Аббас әуежайының төтенше жағдайларда халықаралық рейстер үшін аймақтағы қолдау және қауіпсіз жер ретіндегі стратегиялық орнын тағы көрсетіп, облыс әуежай кешенінің әуе дағдарыстарын басқарудағы әлеуетін дәлелдеді».
Бандар-Аббас халықаралық әуежайы — Иранның оңтүстігінде орналасқан Һормозган провинциясының астанасы Бандар-Аббас қаласындағы әуежай. Әуежай 1969 жылы 8,9 гектар аумақта салынған.












