Франция соты Сирияның бұрынғы президенті Башар Асадты тұтқындауға ордер берді.
Еуразия Тудейдің хабарлауы бойынша, Франция соты Сирияның бұрынғы президенті Башар Асад пен бұрынғы жоғары лауазымды алты тұлғаны тұтқындауға ордер берді.
France 24 телеарнасының мәліметінше, халықаралық ордер 2012 жылы Үкімет күштерінің Сирияның Хомс қаласын бомбалауы кезінде америкалық журналист Мари Колвин мен француз фотографы Реми Оклидің қазасына қатысты шығарылды.
Француз билігі бұл оқиғаны адамзатқа қарсы жасалған әскери қылмыс деп атады.
Франция соты Башар Асадтан басқа Сирия армиясының 4-ші бронетранспортер дивизиясын басқарған оның ағасы Махер Асадты, барлау қызметінің бұрынғы басшысы Әли Мамлюк пен армия штабының бұрынғы басшысы Әли Аюбты да қамауға алу туралы ордер шығарды.
Башар Асад 2000-2024 жылдар аралығында Сирия президенті қызметін атқарды. Ол 2011 жылы Үкіметке қарсы наразылықтарды күшпен басқаннан кейін, елде азамат соғысы басталды.
Башар Асад 2024 жылы биліктен қуылып, отбасымен Ресейге қашып кетті.












