Иранның Жол және қала құрылысы министрінің орынбасары Һушанг Базванд Иранды Қытай мен Үндістаннан Еуропаға қарай жүк тасымалы саласындағы ең қысқа дәліз деп атады.
Еуразия Тудейдің хабарлауы бойынша Иран 2025 жылдың наурыз айының 21-нен осы уақытқа дейін 1350 шақырымдық күре жол салуымен рекорд орнатып, әлемдік логистикалық хаб ретіндегі рөлін бұрынғыдан бетер нығайтқанын хабарлады.
Һушанг Базванд тасымал саласындағы жүзеге асырылған шараларға тоқталғанда, Иранның әлемдік тасымалдағы стратегиялық орнын баса айтып, елі өзінің географиялық бірегей жағдайының арқасында әлемдегі тауар өндіруші екі негізгі полюс — Қытай мен Үндістаннан Еуропаға қарай жүк тасымалдауда ең қысқа, ең қауіпсіз және ең тиімді бағыт ұсынатынын айтты.
Ол тасымал дәліздерін тек тауар мен жолаушы тасымалына арналған бағыттар ғана емес, сонымен қатар оларды аймақ пен халықаралық байланыста маңызды рөл атқаратын экономикалық, мәдени, әлеуметтік, тіпті саяси терең функцияларға ие деп атады.
Базванд Иранның 14-ші Үкіметінің ауқымды саясаттарына сілтеме жасап, елдің түкпір- түкпірінде темір жол және күре жолдарда дәліздерді дамыту саласындағы маңызды іс шаралардың басталғанын хабарлады.
Осы жауапты тұлға елінің жол салу жобаларының жағдайын баяндап: «Мемлекет жол салу бойынша үлкен шеберханаға айналды. Қазіргі таңда шамамен 3600 шақырым белсенді жоба, 750 шақырым автомагистраль жүзеге асырылып, шамамен 17800 шақырым тас жолдың құрылысы басталу қарсаңында тұр», — деді,
Ерекше атап өтерлік жайт, 2025-2026 жылдары Иранда 1350 шақырым тас жолдың пайдалануға берілуі. Жол және қала құрылысы министрінің орынбасары бұл көрсеткішті соңғы 10 жылдағы сирек кездесетін рекорд деп атады.
Айтатын жайт, инфрақұрылым саласындағы даму Иранның жаһандық тасымал тізбегіндегі негізгі буын ретіндегі рөлі мен Шығыс пен Батыс арасындағы байланысын бұрынғыдан да нығайта түседі.












