Иран Тегерандағы Имам Хомейни атындағы және Меһрабад халықаралық әуежайларының жұмысын қайта жандандырды.
Еуразия Тудейдің хабарлауы бойынша, Иранның Азаматтық авиация ұйымы кеше, дүйсенбі күні ел астанасы Тегерандағы Имам Хомейни атындағы халықаралық әуежай мен Меһрабад халықаралық әуежайында жолаушылар тасымалын қайта жандандырғанын мәлімдеді.
Fars News агенттігінің хабарлауынша, 25 сәуірден бастап Урмия, Абадан, Керманшаһ, Шираз, Керман, Решт, Йазд, Заһедан, Горган және Бирдженд қалаларында да жолаушы рейстері қайта басталады.
Сонымен қатар, жексенбі күні Иран елінің солтүстік-шығысындағы Хорасан-Разави облысында орналасқан Машһад қаласының әуежайынан халықаралық рейстер дүйсенбіден бастап қайта іске қосылды.
Сондай-ақ, 18 сәуір күні Иран өзінің әуе кеңістігінің шығыс бөлігін халықаралық рейстер үшін қайта ашты. Бұл әуе қатынасының жұмысын ішінара қалпына келтіруге мүмкіндік берді.
Иран билігі бұған дейін АҚШ пен Израильдің бірлескен әскери шабуылдарынан кейін қауіпсіздік жағдайына байланысты барлық азаматтық әуе рейстерін уақытша тоқтатқан болатын.
Азаматтық авиация ұйымы өкілдерінің айтуы бойынша, әскери және азаматтық органдар техникалық және операциялық дайындық жұмыстарын аяқтай салысымен әуе қатынасы толық қалыпқа келтіріледі.












