Ирандағы жуырдағы бейберекеттіктен кейін Ислам Республикасының Қауіпсіздік кеңесі мәлімдеме жасады.
Елдің Қауіпсіздік кеңесінің ықтиярындағы құжаттарға сәйкес, осы екі күн ішінде исламдық Иранның қас дұшпандарының қолдауымен Иран халқына қарсы жан түршігерлік қылмыс тіркелді.
Мәлімдеменің бір бөлігінде былай деп жазылған: «АҚШ пен сионистік режимнің 12 күндік таңған соғысынан және исламдық Иранның бұл басқыншылыққа қатаң тойтарыс беруінен кейін жау тек әскери құралдарды қолдану арқылы Иран халқын тізе бүктіре алмайтынына көз жеткізді. Соған байланысты АҚШ пен сионистік режим өз тактикасын өзгертіп, Иран халқының әлеуметтік біртұтастығын нысанаға алды. Олар сол арқылы ирандықтардың ұлттық ерік-жігерін жасытуға жағдай жасаймыз деп ойлады.
Кейбір қалалардағы базардағы саудагерлер мен кәсіпкерлердің бейбіт наразылықтарынан кейін ел Президенті арнайы отырыстар өткізіп, олардың өкілдерінің сөзіне делдалсыз құлақ қойды. Ол полицияға бейбіт жиындарға сабыр сақтауды тапсырып, экономика саласының белсенділерінің мәселелерін шешу үшін тиісті бұйрықтар берді.
Алайда, ұйымдасқан бүлікшіл топтар жиындардың бейбіт жолмен өткенін қаламады. Олар қаңтар айының 9-17 күндері аралығында елдің түрлі қаласындағы наразылықтарды зорлық-зомбылыққа ұластырып, халық пен мемлекетке зиян тигізді.
Осы кезеңнен кейін, 18 және 19 қаңтар күндері жағдайды бақылаудан шығару және қалаларда бейберекетсіздік орнату мақсатында барынша қатігездікпен елдің әртүрлі аймағында көптеген лаңкестік әрекеттер орын алды. Олар кісі өлімін арттыру үшін жиындар мен ғимараттарға мақсатты әрі ұйымдасқан түрде қарулы шабуылдар жасап, қоғамдық және жеке мүлікті жоюды көздеді.
Сол әрекеттер барысында лаңкестер базарларға, дүкендерге, банктерге, мешіттер мен діни мекендерге, жедел жәрдем көліктеріне, қоғамдық көліктерге, медициналық орталықтар мен жанармай бекеттеріне шығын келтіріп қана қоймай, ДАИШ сияқты айуандық қылмыстарды іске асырды. Олар адамдарды тірідей өртеу, басын кесу және пышақтап өлтіру сияқты әрекеттерге барып, атыс қаруын жаппай қолданды. Соның салдарынан осы оқиғаларда қаза тапқан жалпы 3117 адамның ішіндегі 2427 жазықсыз тұрғын мен тәртіп сақшылары болды».












