Иран Сыртқы істер министрі Амир Абдуллаһиан Жиддадағы Ислам елдері сыртқы істер министрлерінің Палестина мәселесіне қатысты шұғыл отырысында сөйлеген сөзінде Израиль режимін Біріккен Ұлттар Ұйымы Бас Ассамблеясынан дереу шығару қажеттігін қуаттады.
Абдуллаһиян бұл туралы Х аккаунтында жазды: «Мен бүгін Жидда қаласында өткен Ислам Ынтымақтастығы Ұйымы Сыртқы істер министрлерінің кезектен тыс отырысында сөйлеген сөзімде геноцид Израиль режимін Біріккен Ұлттар Ұйымы Бас Ассамблеясынан дереу шығару және бұл режимнің басқа халықаралық ұйымдарға қосылуына жол бермеу қажеттігін баса айттым».
Иран СІМ жазбасының жалғасында: «Мен бұл режиммен дипломатиялық қарым-қатынасты үзу, басып алынған аумақтарға тауар экспортын тоқтату және Израиль тауарларына толығымен бойкот жариялауды Палестинаға қолдау көрсетудің кейбір практикалық шаралары ретінде қарастыруға болатынын мәлімдедім. Қарар қабылдаған жақсы, бірақ одан да тиімді әрекет қажет» деп жазды.
2024 жылғы 5 наурызда Джиддада Палестинадағы жағдайға арналған Ислам ынтымақтастығы ұйымының Сыртқы істер министрлері кеңесінің төтенше сессиясы өтті.
Сессия жұмысына ИЫҰ елдерінің, соның ішінде Сауд Арабиясы, Кувейт, Катар, Иордания, Иран, Түркия, Марокко сыртқы саяси ведомстволарының басшылары қатысты.
СІМК барысында ИЫҰ-ға мүше мемлекеттер Газа секторында атысты дереу тоқтатуға шақырып, Палестина-Израиль дағдарысын тезірек шешу қажеттігін алға тартты.
ИЫҰ СІМК қорытындысы бойынша тиісті қарар қабылданды.
Айта кетейік, Иран бұл мәселеде палестиналықтар өз елінің болашағын референдум өткізу арқылы анықтау керек деген ұстанымға ие.
![]()












