Иран Ислам революциясы сақшылар корпусының қолбасшысы Мохсен Резаи елінің Ормұз бұғазында екінші бағыттың ашылуына жол бермейтінін баса айтты.
Еуразия Тудей ақпарат агенттігінің хабарлауынша, Иран Ислам революциясы сақшылар корпусының қолбасшысы Мохсен Резаи X (бұрынғы Twitter) әлеуметтік желісіндегі жеке парақшасында Ормұз бұғазындағы соңғы оқиғаларға қатысты былай деп жазды: «Егер қоршау жалғаса берсе, америкалық кемелер мен күштер күрделі қауіптер мен үлкен шығынға тап болады.
Америка Құрама Штаттары өзінің әрекетін өзгертуі тиіс, әйтпесе біз бұл жағдайға шыдап отырмаймыз.
Бiз Ормұз бұғазында екінші дәліздің ашылуына ешқашан рұқсат бермейміз».
Айта кетейік, Оман мен Иран Ормұз бұғазындағы қауіпсіздік пен кеме қатынасына қатысты жағдайды реттеу аясында бөлек көлік дәліздерін, яғни солтүстік және оңтүстік / кіретін және шығатын дәліз құруды талқылаған болатын. Дегенмен, Fars агенттігінің соңғы деректеріне сәйкес, кемелер қозғалысын бірлескен бақылаудағы бірыңғай орталық дәліз арқылы ұйымдастыру туралы шешім қабылданды.
Соған сәйкес, кемелердің бұғазға кіруін Иран, ал шығуын Оман реттейді.
Бағыт арқылы өту ілеспе қызметтер кешені, соның ішінде отын, сақтандыру және экологиялық алымдар үшін төлем ретінде рәсімделеді.
Жаңа координаталық жоспарларды келісу коммерциялық транзитті қайта бастауға және өңірдегі тәуекелдерді азайтуға бағытталған.












