Иран Президенті Масуд Пезешкиан мен СІМ басшысы Аббас Арақчи Мысырдағы D-8 саммитіне қатысады.
Еуразия Тудейдің ИРНА агенттігіне сілтеме жасап хабарлауы бойынша, бұл туралы Иран СІМ баспасөз хатшысы Исмаил Бақайи мәлімдеді.
Исмаил Бақайи Иран Сыртқы істер министрі Аббас Арақчидың бүгін түстен кейін дамушы сегіз мұсылман елінің (D-8) экономикалық ынтымақтастық ұйымының министрлері кеңесінің отырысына қатысу үшін Тегераннан Каирге аттанатынын айтты.
Бақайидың айтуынша, сегіз дамушы ел — Түркия, Мысыр, Индонезия, Иран, Малайзия, Нигерия, Пәкістан және Бангладешті қамтитын D-8 министрлер кеңесінің отырысы бүгін, сәрсенбі күні өтеді.
Сонымен қатар, СІМ баспасөз хатшысы бейсенбі, 19 желтоқсан күні президенттердің, соның ішінде Масуд Пезешкианның қатысуымен дамушы сегіз мұсылман елінің экономикалық ынтымақтастық ұйымының 11-ші саммиті өтетінін айтты.
Бақайи бейсенбі күні өтетін саммитте талқыланатын басты тақырып «Жастарға инвестиция салу, шағын және орта бизнесті қолдау: ертеңгі экономиканы қалыптастыру» екенін мәлімдеді.
Иран СІМ баспасөз хатшысы сөзінің соңында келесі бейсенбі күні Палестина мен Ливандағы жағдайды зерделеу үшін сегіз мемлекет басшылары деңгейінде арнайы кездесу болатынын хабарлады.












