Камала Харрис АҚШ президенттік сайлауына қатысатынын мәлімдеді.
Еуразия Тудейдің хабарлауы бойынша, Америка Құрама Штаттарының вице-президенті Камала Харрис өзінің сайлауалды науқанының алғашқы видеосын жариялап, Америка Құрама Штаттарының президенттік сайлауына қатысатынын мәлімдеді.
Харрис X желісіндегі парақшасында: «Мен Камала Харриспін. Мен Америка Құрама Штаттарының президенттігіне үміткермін», — деп жазды.
Демократиялық партияның ұлттық съезі Чикагода 19-22 тамызда өтеді деп жоспарланған. Бірақ партия Байден үміткерліктен бас тартпай тұрып, жеке кездесулер басталғанға дейін партияның кандидатурасын ресми түрде ұсыну үшін виртуалды ісшара өткізетінін хабарлаған болатын.
Президенттікке үміткерлік құқығын алу үшін кандидаттар съездің 300 делегатының электронды қолтаңбасына ие болуы керек.
81 жастағы Джо Байден Дональд Трамппен алғашқы президенттік пікірсайыстағы сәтсіздіктен кейін оған Демократиялық партия тарапынан сайлаудан бас тартуға қысым жасалып, соңында отставкаға кететінін жариялады.
60 жастағы Камала Деви Харрис — америкалық мемлекет және саяси қайраткер, заңгер, АҚШ Демократиялық партиясының мүшесі. 2021 жылдың 20 қаңтарынан бастап АҚШ-тың 49-шы вице-президенті.
Ол АҚШ тарихындағы бірінші қара нәсілді және бірінші азиялық америкалық вице-президент бірінші әйел.












