Кремльде Ресейге ресми сапармен келген Иран Ислам Республикасының президенті Масуд Пезешкиан мен Ресей Президенті Владимир Путиннің келіссөздері өтті.
Еуразия Тудейдің Кремль баспасөз қызметіне сілтеме жасап хабарлауы бойынша Ресей Президенті Владимир Путин Пезешкианның бүгінгі сапарын ерекше маңызға ие деп атады. Оның айтуынша тараптар ынтымақтастықтың барлық саласын талқылап қана қоймай, Ресей мен Иран арасында жан-жақты стратегиялық серіктестік туралы ірі базалық келісімге қол қояды.
Ресей Президенті: «Біз онымен (келісім. Ред.) ұзақ уақыт жұмыс істеп жатырмыз. Бұл жұмыстың аяқталғанына өте қуаныштымын. Бұл маңызды, өйткені ол бізге өзара іс-қимылымыздың барлық дерлік саласына қосымша серпін беруге мүмкіндік береді», — деді.
Иран Президенті Масуд Пезешкиан да қол қойылатын стратегиялық серіктестік туралы келісім туралы сөзінде: «Мен бүгін сапар алдында Ислам Республикасының Жоғарғы Көшбасшысымен сөйлестім. Сол сұхбатта ол Ресей Федерациясымен жан-жақты қарым-қатынасты дамытудың маңыздылығын баса айтты.
Бүгінгі таңда екі ел қызметінің барлық саласын, соның ішінде мәдениет, экономика, гуманитарлық қарым-қатынасты қамтитын негізгі келісімге қол қою екіжақты қарым-қатынастың дамуына үлкен серпін беріп, одан әрі ілгерілеуі үшін берік негіз болатынына сенімдімін.
Біз Ресей Федерациясымен екіжақты қарым-қатынасымыз стратегиялық маңызды және жан-жақты деп есептейміз», — деді.
Айта кетейік, Иран Президенті Масуд Пезешкиан бүгін, жұма күні Ресейге ресми сапармен келді.












