Ұлыбритания Премьер-министрінің орынбасары Дэвид Лэмми бүгін дүйсенбі күнгі сөзінде Уашиңгтонның қысымына қарамастан, Лондон АҚШ-тың Иран Ислам Республикасына қарсы таңған соғысына қатыспайтынын мәлімдеді.
Еуразия Тудейдің хабарлауы бойынша, Ұлыбритания Премьер-министрінің орынбасары Дэвид Лэмми дүйсенбі күні таңертең елінің АҚШ-тың Иран Ислам Республикасына қарсы таңған соғысына кез келген түрдегі қатысуын тағы теріске шығарды.
Лэмми Испанияның Барселона қаласында өткен форумда сөйлеген сөзінде Уашиңгтонның қысымына қарамастан, Лондонның Тегеранмен әскери қақтығысқа бармайтынын айтты.
The Guardian газетінің жазуынша, ол бұл мәселеге қатысты былай деді: «(АҚШ Президенті) Дональд Трамп Премьер-министрді (Кир Стармерді) Иранға қатысты ұстанымын өзгертуге мәжбүрлеуге тырысты, бірақ қолынан келмеді. Бұл біздің соғыс емес, біз оған араласпаймыз».
Британдық лауазым иесі Трамптың Стармерге сөзбен жасаған шабуылдарын бейшаралық деп атап, мұның мақсатын Лондонды Иранға қатысты ұстанымын өзгертуге мәжбүрлеу деп атады.
Сонымен қатар, Лэмми АҚШ-тың әрекеттері әлемдегі тұрақтылықты жақсартпағанын, керісінше, жағдайды ушықтырып жібергенін баса айтты.
Осы мәліметке сәйкес, ол Трамп әкімшілігін сынап, президент әлеуметтік желілерде одақтастарына шабуыл жасаудың орнына, олармен қарсыласқанда әдеп сақтауы керек екенін айтты.












