Ресей сыртқы істер министрі Сергей Ларов Ормұз бұғазындағы дағдарыстың жалғасуының салдары туралы ескертіп, бұл үдеріс жаһандық экономикаға кері әсерін тигізетінін мәлімдеді.
Еуразия Тудейдің хабарлауынша, Ресей Сыртқы істер министрі Сергей Ларов бүгінгі мәлімдемесінде: «Мәскеу Парсы шығанағындағы қақтығысқа қатысушы барлық тараппен байланыс орнатып, оларды тез арада атысты тоқтатуға шақырады.
Біз су жолдарындағы қазіргі шиеленіске қарсы тұру мақсатында Иран, Әзербайжан Республикасы және Ресей арасында теміржол желісін құру үшін жұмыс істеп жатырмыз. Ормұз бұғазындағы дағдарыстың жалғасуы кемелер қозғалысына, халықаралық тасымалға және жаһандық экономикаға кері әсерін тигізеді.
Біз атысты тоқтатуды және Ормұз бұғазындағы жағдайдың соғысқа дейінгі қалыпқа оралуын қалаймыз. Иранға қарсы әскери операциялар жалғаса беретін болса, оның салдары Қызыл теңізге де таралатынына куә боламыз. Бұндай жағдайда тек мұнай секторы ғана емес, бүкіл әлемдік сауда бұдан да нашар күйге түседі», — деп мәлімдеді.
Оның айтуынша, Израиль Оңтүстік Ливан мен Сирияда өз дегенін күшпен таңу логикасымен әрекет етіп отыр. Сондай-ақ, Израильдің Батыс жағалаудағы әрекеттері «екі мемлекет құру» шешімі мен тәуелсіз Палестина мемлекетінің құрылуын мүмкін емес етіп көрсетеді.












