Армения премьер-министрі Никол Пашинян Иранның жаңадан сайланған президенті Масуд Пезешкианмен телефон арқылы сұхбатта оны сайлаудағы жеңісімен құттықтап, қызметіне табыс тіледі.
Еуразия Тудейдің хабарлауынша, Армения премьер-министрі кеңсесі баспасөз хатшысының айтуынша, тараптар сұхбатта бұған дейін үкіметаралық деңгейде қол жеткізілген уағдаластықтарға берік екендіктерін қуаттап, алдағы уақытта кездесуге келісті.
Бұдан бұрын Армения премьер-министрі Никол Пашинян жолдауында Масуд Пезешкианды Иранның 9-шы президенті болып сайлануымен құттықтап, екі елдің үкіметтері Армения мен Иран арасындағы келісімдер мен бірқатар жаңа бағдарламаларды жүзеге асыратынына сенім білдірген болатын.
Пашинян құттықтау жолдауында сонымен қатар Теһран мен Ереван қарым-қатынасын екіжақты ынтымақтастық пен аймақтың тұрақтылығы мен гүлденуі аясында үздіксіз тереңдетуді ерекше маңызға ие деп атады.












