Бүгін, қазанның 22 күні Қазан қаласында БРИКС саммиті басталды.
Еуразия Тудейдің Спутник агенттігіне сілтеме жасап хабарлауы бойынша, саммит шараларына 30-дан астам мемлекет қатысады.
Саммитке қатысушылар жаһандық және аймақтық күн тәртібіндегі маңызды мәселелерді талқылап, ынтымақтастықтың негізгі бағыттары бойынша пікір алмасады.
Саммиттің өзекті тақырыптарының бірі — экономика және саясат.
Сарапшылардың айтуы бойынша, БРИКС саммиті 2024 жылдың маңызды оқиғасы болмақ.
Татарстан астанасына келген Ресей Президенті Владимир Путин шара аясында 15-тен астам екіжақты кездесулер өткізуді жоспарлап отыр.
Саммит 22-24 қазан аралығында өтеді.
БРИКС — 2006 жылы Бразилия, Ресей, Үндістан, Қытай экономика министрлерінің қатысуымен Санкт-Петербург экономикалық форумы аясында құрылды.
2009 жылдан бері БРИКС үкіметтері жыл сайын ресми саммиттерде кездесіп келеді. XV БРИКС саммиті 2023 жылдың 22-24 тамызында Оңтүстік Африка Республикасының Йоханнесбург қаласында өтті.
Ресей 2024 жылы БРИКС-ке төрағалық етуде.












