Иран СІМ Амир Абдоллаһиян осы ел Президенті Ибраһим Раисидің Түркияға сапарының кейінге шегерілу себебін хабарлады.
Абдоллаһиян ИИР Үкімет отырысы аясында журналистерге берген сұхбатта Иран Президенті Раисидің Анкараға сапарының кейінге шегерілу себебін БҰҰ Қауіпсіздік кеңесінің Газа секторындағы жағдай және осы жерде атысты тоқтату бітімі үдерісін жалғастыру туралы отырысымен байланысты деп атады.
Ол Иран мен Түркия басшылары телефон арқылы сұхбатта бірнеше күннен кейін кездесуге келіскендерін де хабарлады.
Абдоллаһиян сөзінің жалғасында Америкадағы отырысқа Иран мен Түркия СІМ-лері шақырылғанын, Қауіпсіздік кеңесінің отырысы басымдылыққа ие болғандықтан Раисидің сапарының кейінге шегерілгенін айтты.
Иран СІМ сонымен қатар Америка Құрама Штаттары Иран делегациясына визаны жергілікті уақыт бойынша түнгі сағат 01:00-де бергендіктен, Нью-Йоркте бүгін таңертең 9:30-да өткен жиналысқа қатысу мүмкін болмағанын да мәлімдеді.
Иран СІМ БҰҰ-ның бүгінгі отырысының өткізілу себептері туралы сөзінде Газа секторында атысты тоқтату үдерісін жалғастыру үшін талпыныс жалғасып жатқанын айтты.
Ол тұтқындармен алмасуда арағайын ел Катар премьер-министрі және СІМ-мен үздіксіз байланыста екенінен де құлағдар етті.



















