Иранның үш билігі басшыларының экономикалық үйлестіру жоғары кеңесінің хатшысы Мохсен Резаи лаңкестік топтардың алдағы айларда Иракқа шабуылдауға әзірленіп жатқаны туралы айтты.
Еуразия Тудейдің Тасним ақпарат агенттігіне сілтеме жасап хабарлауы бойынша Иранның үш билігі басшыларының экономикалық үйлестіру жоғары кеңесінің хатшысы Мохсен Резаи Киште өткен әуе-ғарыш халықаралық көрме аясында сөйлеген сөзінде аймақтағы жуырдағы оқиғаларға тоқталып: «Газадан басталған оқиғалар Ливанға енді. Соңғы екі аптада Сирияға жетті. Олар (лаңкестік топтар. Ред.) алдағы айларда Иракқа да шабуыл жасауды көздеп отыр. Ойларында Иранға шабуыл жасау да бар. Қазіргі жағдай халықаралық озбырлықтың аймақтағы тәуелсіздік қалайтын халықтармен текетіреске баратынын көрсетіп отыр.
Дәл қазір лаңкестер Иракқа шабуыл жасауға дайындалуда. Сирияның солтүстігінде америкалық бір қосын бар. Ол жерде он бір мың даиштық лаңкес отбасыларымен өткен төрт жылда дайындықтан өтті. Алдағы айларда солар Ирактың Мосул және Тикрит қалаларына шабуыл жасауы мүмкін.
Өткен жиырма төрт сағатта Сирияның инфрақұрылымындағы екі жүз елу нысанға Израиль мен Америка және лаңкестік топтар шабуыл жасады. Сирияның барлық әскери-зерттеу орталықтары толық жойылу қарсаңында тұр.
Бұл күндері Ливан мен Сирияда болған оқиғалар жақын арада Иракта да байқалуы мүмкін. Бұл дұшпандардың аймақ елдерінің егемендігінен қорқуының анық белгілері. Олар соған тосқауыл қойып, аймақ халықтарын әлсірету үшін бар күштерін салады» — деді.
Мохсен Резайи дұшпандар Азияның батыс аймағының бейнесін өзгерту үшін талпыныс жасап жатқанын айтып: «Осы сұм бағдарлама үшін жүзеге асырылған қылмыстар тіпті Гитлердің қылмыстарынан да сорақы», — деді.
Резайи аймақ халықтары оянатын уақыт келіп жеткенін бас айтып: «Аймақтағы қауіпсіздіктің төмендеуі елдерге орны толмас зардап келтіреді. Осы бағытта барша қырағы болуы керек. Америка мен сыбайластары аймақ халықтарын әлсіретіп, олардың байлығын тонауды мақсат етеді. Тарихтан сабақ алу керек. Тарих Батыстың тіпті өзінің қолшоқпарларына да рақымшылық жасамағанын көрсетті. Басқа елдердің байлығын тонау — олардың негізгі басымдықтарының бірі», — деді.












