Сирия соңғы 14 жылдағы алғашқы мұнай партиясын экспорттады.
Еуразия Тудейдің хабарлауы бойынша, 600 мың баррель мұнай партиясы Жерорта теңізіндегі Тартус портынан BeServ Energy компаниясына Nessus Christiana танкерімен жөнелтілді.
Сирия Энергетика министрлігінің мәліметінше, бұл елдің мұнай секторын қалпына келтіріп, әлемдік компаниялармен әріптестікті кеңейту үшін маңызды қадам болып табылады.
Алдағы күндері экспорттық жаңа жөнелтімдер де жүзеге асырылады деп күтілуде.
2011 жылы азамат соғысы басталғанға дейін Сирия тәулігіне 390 мың баррель мұнай экспорттаған. Алайда, 2023 жылы қақтығыстар салдарынан мұнай экспорты тәулігіне небәрі 40 мың баррельді құрады.
Америка Құрама Штаттарының Қаржы министрлігі 2025 жылдың 1 қыркүйегінде Сирияға қарсы санкциялардың жойылғанын жариялады. Вашингтонның 2004 жылдан бері күшінде болған Сирияға қарсы санкцияларды алып тастауы экспортты қайта жандандыруға мүмкіндік берді.












