Тәжікстан Ираннан мұнай өнімдері мен шикі мұнай импорттауға мүдделі.
Еуразия Тудейдің хабарлауы бойынша бұл мәселе Тегеранда Тәжікстан Республикасының Көлік министрі Азим Иброхим мен Иран Ислам Республикасының Жол және қала құрылысы министрі Фарзане Садықтың кездесуінде қарастырылды.
Тараптар кездесуде көлік, жүк тасымалы, отын, транзит және логистика салаларындағы өзара тиімді ынтымақтастықтың күн тәртібіндегі өзекті мәселелері бойынша пікір алмасты. Ираннан Тәжікстанға мұнай өнімдері мен шикі мұнай жеткізуді ұйымдастыруға ерекше назар аударылды.
ТР Көлік министрі Азим Иброхим: “Біз көлік саласындағы ынтымақтастықты екі ел арасындағы экономикалық, сауда-саттық және транзиттік байланыстардың маңызды бағыттарының бірі санаймыз және бұл ынтымақтастықты дәстүрлі екіжақты қарым-қатынас деңгейінен көлік-логистикалық интеграцияның жаңа кезеңіне шығаруға дайынбыз», — деді.
Министрдің айтуынша, Ираннан сұратылған жанар-жағармайдың жалпы көлемі 2 550 000 тоннаны, соның ішінде 2 млн тонна шикі мұнай, 150 000 тонна бензин, 300 000 тонна дизель отыны және 100 000 тонна авиакеросин немесе 51 000 вагонды құрайды.
Азим Иброхимнің айтуынша, қазіргі уақытта екі ел арасындағы мұнай өнімдерінің алмасу көлемі жылына шамамен 800 мың тоннаны құрайды, бірақ мәселелерді шешу, жаңа логистикалық механизмдерді іске қосу және келіссөздер жүргізілетін көрші елдердің транзиттік мүмкіндіктерін тарту арқылы бұл көрсеткіш бірнеше есе өсуі мүмкін.
Өз кезегінде Иранның Жол және қала құрылысы министрі Фарзона Содиқ Тәжікстанмен ынтымақтастықты кеңейтуді жұмыстың маңызды бағыты деп атап, аталған мәселелерді шешуге, соның ішінде ведомствоаралық жұмыс топтарын үйлестіру және жобаларға қажет қолдау көрсету арқылы жәрдемдесуге дайын екенін мәлімдеді.












